ՄԱԿ-ի գործող կառույցը, որում մահմեդական երկրները բավարար իրավունքներ չունեն, անհեռանկարային է, միջազգային կազմակերպությունում բարեփոխումներն անխուսափելի են, հայտարարել է Թուրքիայի նախագահ Ռեջեփ Թայիփ Էրդողանը:
Ավելի վաղ Էրդողանը Անգոլա կատարած այցի ժամանակ ասել էր, որ մարդկության ճակատագիրը չպետք է թողնել «մի բուռ երկրների»՝ Երկրորդ համաշխարհային պատերազմի հաղթողների ողորմածությանը: Նրա խոսքով, աշխարհը փոխվում է, և դիվանագիտությունը, առևտուրը, միջազգային հարաբերությունները արմատական վերափոխումների են ենթարկվում, այնպես որ անհնար է պատկերացնել, որ գլոբալ անվտանգության ճարտարապետությունը մնա նույնը, հայտնում է ՌԻԱ գործակալությունը:
