Բայդենը դրական մոտեցում է ցուցաբերել Թուրքիային F-16-ների մատակարարմանը։ Այս մասին Թուրքիայի նախագահ Ռեջեփ Թայիփ Էրդողանն ասել է կիրակի օրը Հռոմում G20 գագաթաժողովի ավարտին։
«Մենք Բայդենի հետ քննարկեցինք ինքնաթիռի հետ կապված իրավիճակը, այն, թե ինչպես լավագույնս լուծել առկա խնդիրները: Բայդենը դրական վերաբերվեց մեր կողմից F-16-ի ձեռքբերման հարցին», – նրա խոսքերը հաղորդում է ՏԱՍՍ-ը:
«Գումար կա, որը մենք պետք է ստանանք F-35-ի համար: Օրակարգում F-16-ի հարցն էր՝ նոր ինքնաթիռներ կամ դրանց արդիականացում: Մեր պաշտպանության նախարարները վարում են այդ գործընթացը», ասել է Էրդողանը լրագրողներին։
