ԵՄ-ն ընդունում է, որ պատերազմում հաղթել է «Թալիբան» արմատական շարժումը, հետևաբար անհրաժեշտ է համարում երկխոսություն սկսել Աֆղանստանի նոր իշխանությունների հետ`հումանիտար և միգրացիոն ճգնաժամերը կանխելու համար: Այդ մասին հայտարարել է ԵՄ արտաքին գործերի և անվտանգության քաղաքականության հարցերով գերագույն հանձնակատար Ժոզեպ Բորելը Աֆղանստանի հարցով ԵՄ արտգործնախարարների տեսկոնֆերանսից հետո: Նա միաժամանակ ընդգծել է, որ խոսքը նոր իշխանությունների ճանաչման մասին չէ:
«Մեր գլխավոր առաջնահերթությունն այժմ մեր անձնակազմի և Աֆղանստանի՝ մեզ հետ աշխատող քաղաքացիների տարհանումն է», Բորելի խոսքերը հայտնում է ՏԱՍՍ-ը:
ԵՄ-ն կաջակցի տարածաշրջանի այն երկրներին, որոնք բախվում են Աֆղանստանից փախստականների հոսքի հետ, հավելել է Բորելը:
