ԵՄ-ի հարաբերությունները ԱՄՆ-ի հետ բարելավվում են, մինչդեռ Ռուսաստանի հետ դրանք վատթարանում են: Այդ մասին երկուշաբթի օրը հայտարարել է ԵՄ դիվանագիտության ղեկավար Ժոզեպ Բորելը Բրյուսելում միության 27 երկրների արտգործնախարարների հանդիպմանը ժամանելուց հետո:
«ԱՄՆ-ի հետ մեր հարաբերությունները փոխվում են, այժմ մենք ուժեղ գործընկերություն ունենք: Դա հատկապես պարզ դարձավ G7-ի գագաթաժողովից հետո», ասել է նա: «Մենք կքննարկենք [հանդիպման ընթացքում] նաև Ռուսաստանը, որի հետ, ընդհակառակը, դրանք չեն բարելավվում»:
Արտաքին գործերի նախարարների մակարդակով ԵՄ խորհուրդը երկուշաբթի պլանային հանդիպում կանցկացնի Բրյուսելում՝ քննարկելու ԱՄՆ-ի և Ռուսաստանի հետ հարաբերությունները, Արևմտյան Բալկաններին աջակցությունը, Աֆղանստանում տիրող իրավիճակը և իրանական միջուկային գործարքի շուրջ ստեղծված իրավիճակը: ՏԱՍՍ-ի համաձայն, նախարարները չեն նախատեսում որոշումներ կայացնել Ռուսաստանի Դաշնության դեմ նոր պատժամիջոցների կամ նոր դիվանագիտական քայլերի վերաբերյալ:
