Իրանի կողմից միջուկային զենք արտադրելու տեխնիկական հնարավորություններին պոտենցիալ հասանելիության ժամանակահատվածը կրճատվել է և դարձել մի քանի ամիս, հայտարարել է ԱՄՆ պետքարտուղար Էնթոնի Բլինկենը:
«Իրանը վերացրել է այն սահմանափակումները, որոնք իր վրա դրված էին համաձայնագրով (Գործողությունների համապարփակ ծրագիր), այդ թվում հարստացված [միջուկային] նյութի քանակի վերաբերյալ: Նա սկսել է գործարկել որոշ ավելի ժամանակակից ցենտրիֆուգներ [ուրանի հարստացման համար], շեշտել է Բլինկենը:
«Որքան երկար է դա շարունակվում, այնքան ավելի է կարճանում նրանց միջուկային զենքի ստեղծման ժամանակահատվածը։ Ըստ հրապարակված զեկույցների, այն այժմ նվազել է լավագույն դեպքում մի քանի ամսվա: Եվ եթե իրավիճակը շարունակվի, այն կնվազի մինչև մի քանի շաբաթի», ասել է դիվանագետը, որի խոսքերը հաղորդում է ՏԱՍ-ը։
