Պենտագոնի մամուլի քարտուղար Ջոն Քիրբին ուղիղ պատասխան չի տվել Վաշինգտոնի կողմից Աֆղանստանում արմատական «Թալիբան» շարժման հակառակորդներին օգնության հնարավորության մասին հարցին, հաղորդում է ՏԱՍՍ-ը։
«Աֆղանստանում ԱՄՆ-ի ռազմական առաքելությունն ավարտված է», – ասել է նա ճեպազրույցի ժամանակ: Քիրբիին խնդրել են պարզաբանել՝ արդյոք դա նշանակում է, որ ԱՄՆ-ը Փանջշերի դիմադրության ուժերին չի աջակցի թալիբների դեմ օդային հարվածներով, սակայն Պենտագոնի ներկայացուցիչը միայն կրկնել է, որ ԱՄՆ ռազմական առաքելությունն ավարտված է:
«Մենք կշարունակենք պաշտպանել մեր շահերը՝ աշխարհի ցանկացած վայրում հիմնավորված ահաբեկչական սպառնալիքների դեպքում», – ճեպազրույցի ժամանակ ասել է Պենտագոնի խոսնակը:
