Արևմտյան Եվրոպան պետք է քարտեզ վերցնի և հասկանա, որ առանց Ռուսաստանի Եվրոպա չկա, և «եվրոպական համերգի» փոխարեն կլինի կակոֆոնիա։ Այս մասին ասել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Ֆինլանդիայի նախագահի գնահատականը Մյունխենում կայացած անվտանգության համաժողովին։
Զախարովան ուշադրություն է հրավիրել Ֆինլանդիայի նախագահի խոսքերին, ով ասել է, որ Մյունխենի անվտանգության համաժողովը դարձել է «դիվանագիտական կակոֆոնիա», և որ Եվրոպան պետք է լսի ամերիկացիների խոսքերը և ավելի մեծ պատասխանատվություն ստանձնի։
ՌԴ ԱԳՆ պաշտոնական ներկայացուցիչը հիշեցրել է, որ 19-րդ դարում գոյություն է ունեցել այսպես կոչված «Եվրոպական համերգ»՝ միջազգային հարաբերությունների համակարգ, որի անբաժանելի մասն է կազմում Ռուսաստանը։
«Դուք, ոչ թե Եվրոպան, այլ Արևմտյան Եվրոպան, պետք է քարտեզ վերցնեք և հասկանաք, որ առանց Ռուսաստանի Եվրոպա չկա, որ Ռուսաստանը Եվրոպա է, հաշվի առնելով այն իրական արժեքները, որոնք մենք պահպանել ենք, որոնք ոչնչացվել են արևմտյան եվրոպացիների կողմից տանը: Քանի դեռ դա չեք արել, համերգի փոխարեն կակոֆոնիա կլինի»,- գրել է Զախարովան։
