ԱՄՆ իշխանությունները հետաքննում են նախկին նախագահ Դոնալդ Թրամփի նախկին փաստաբան Ռուդոլֆ Ջուլիանիի հնարավոր ներգրավվածությունը Թուրքիայի շահերի համար լոբբինգում: Այս մասին հաղորդել է Bloomberg գործակալությունը՝ վկայակոչելով աղբյուրներ:
Ըստ գործակալության, ԱՄՆ արդարադատության նախարարությունը ավելի քան մեկ տարի հետաքննում է, արդյոք Ջուլիանին 2017 թվականին ազդեցություն է ունեցել Թրամփի վրա: Մասնավորապես, ամերիկյան իշխանությունները հետաքրքրված են նրանով արդյոք նա ցանկանում էր հասնել իր հաճախորդներից մեկի՝ ոսկու վաճառող թուրք Ռեզա Զարրաբի նկատմամբ փողերի լվացման գործով ԱՄՆ-ի մեղադրանքների չեղարկմանը:
