Անկարան ակնկալում է, որ ԱՄՆ-ը կշարունակի զերծ մնալ ահաբեկչական կազմակերպություններին զենք տրամադրելու պրակտիկայից։ Այս մասին հայտարարել է Թուրքիայի նախագահ Ռեջեփ Թայիփ Էրդողանը Հռոմում G20-ի գագաթնաժողովին հաջորդած մամուլի ասուլիսում։Նրա խոսքով՝ G20-ի գագաթնաժողովում Թուրքիայի և ԱՄՆ-ի ղեկավարների բանակցությունների ընթացքում թուրքական կողմը ափսոսանք է հայտնել Սիրիայում գործող PKK/PYD ահաբեկչական կազմակերպություններին ԱՄՆ-ի աջակցության համար։
Վաշինգտոնի նման գործողությունները վնասում են երկու երկրների համերաշխությանը»,- ասել է Թուրքիայի ղեկավարը։Էրդողանը հայտնել է, որ Բայդենի հետ հանդիպման օրակարգում ներառված էր Թուրքիայի F-16 կործանիչների արդիականացման կամ Անկարային նոր F-16-ներ տրամադրելու հարցը։ Նրա խոսքով՝ Թուրքիայի եւ ԱՄՆ-ի պաշտպանության նախարարությունների ղեկավարները «հետեւում են այս գործընթացին»։ «Ես պարոն Բայդենի կողմից տեսա դրական մոտեցում այս հարցում»,- ասել է Էրդողանը։
