Ամերիկյան ռազմական հրամանատարությունը ծրագիր է մշակում «Թալիբան» արմատական շարժման ագրեսիայի դեպքում Աֆղանստանում երկրի դեսպանատան աշխատակիցների արտակարգ տարհանման համար: Այս մասին հաղորդել է The Wall Street Journal-ը՝ վկայակոչելով աղբյուրներ:
Նշվում է, որ ԱՄՆ ղեկավարությունը վերջերս «արագացրել է հարկադիր տարհանման ծրագրումը» իր այն դիվանագետների և զինվորականների համար, ովքեր պետք է մնան Աֆղանստանում ամերիկյան զորքերի դուրսբերման ավարտից հետո: Ինչպես նշում է թերթը, այդպիսի ծրագրեր են մշակվում այն դեպքում, եթե ԱՄՆ ռազմական և Աֆղանստանի կառավարական ուժերը, որոնք հսկում են ԱՄՆ դեսպանատունը, չկարողանան հաղթահարել «Թալիբանի» հարձակողական գործողությունները: Բացի դիվանագետներից և զինվորականներից, ԱՄՆ այլ քաղաքացիներ ևս կարող են տարհանվել երկրից:
