ԱՄՆ ազգային հետախուզության տնօրեն Էվրիլ Հեյնսի գրասենյակը սկսել է ստեղծել երկրի ներքին քաղաքական գործընթացների վրա արտաքին գաղտնի ազդեցության դեմ պայքարի կենտրոն, հաղորդում է Politico թերթը:
Հետախուզության պետի խոսնակը հայտնել է, որ այս միջոցառումները ձեռնարկվում են զարգացող սպառնալիքների հետ կապված և ամերիկյան քաղաքականության ու ԱՄՆ Կոնգրեսի աճող պահանջներին աջակցելու համար:
Ենթադրվում է, որ այսպես կոչված չարամիտ արտաքին ազդեցության դեմ պայքարի կենտրոնը կստեղծվի «որքան հնարավոր է շուտ», շեշտել է պաշտոնյան: Նա հրաժարվել է նշել, թե երբ կենտրոնը կսկսի աշխատանքը: Կառույցի բյուջեն նույնպես անհայտ է:
