Առողջապահության համաշխարհային կազմակերպության (ԱՀԿ) փորձագետները ժամանել են Չինաստանի Ուհան քաղաք: Այնտեղ նրանք պետք է աշխատանքներ տանեն՝ ուսումնասիրելու կորոնավիրուսի ծագումը:
Գիտնականների միջազգային խումբը հունվարի 14-ի առավոտյան Սինգապուրից թռչել է Ուհան: Այժմ, ըստ կանոնների, նրանք պետք է անցնեն երկշաբաթյա կարանտինի: Այդ ընթացքում նրանք չինացի փորձագետների հետ խորհրդատվություն կանցկացնեն վիդեոկոնֆերանսի ռեժիմով:
Փորձագիտական խմբում ընդգրկված էին ներկայացուցիչներ ճապոնիայից, Քաթարից, ԱՄՆ-ից, Գերմանիայից, Վիետնամից, Ավստրալիայից, Նիդեռլանդներից, Մեծ Բրիտանիայից և Դանիայից: Ռուսաստանը ներկայացնում է Սանկտ Պետերբուրգի Պաստերի անվան համաճարակաբանության և մանրէաբանական հետազոտությունների ինստիտուտի գիտական աշխատանքների գծով փոխտնօրեն Վլադիմիր Դեդկովը:
