Ուրբաթ վաղ առավոտյան Քաբուլում և Աֆղանստանի մի շարք այլ քաղաքներում 5,1 մագնիտուդ ուժգնությամբ երկրաշարժ է գրանցվել: Այս մասին հայտնում է իրանական IRNA գործակալությունը:
Աֆղանստանի աղետների օգնության ծառայությունն իր հերթին տեղեկացրել է, որ երկրաշարժի էպիկենտրոնը գտնվել է երկրի հյուսիս-արևելքում գտնվող Հինդուկուշ լեռնային համակարգում, օջախը եղել է 18,6 կմ խորության վրա:
Մայրաքաղաքից բացի սեյսմիկ ցնցումներ են զգացվել Փարվան նահանգի Չարիքար կենտրոնում, ինչպես նաև մի քանի այլ քաղաքներում: Տուժածների և ավերածությունների մասին տեղեկատվություն դեռ չի հաղորդվում:
