Սպիտակ տան մամուլի ծառայության ղեկավար Ջեն Փսակին հայտարարել է, որ Microsoft-ի Exchange Server ծրագրային ապահովման խոցելիությունը լուրջ սպառնալիք է ներկայացնում այն օգտագործող ամերիկյան ընկերությունների և գերատեսչությունների համար:
«Սա լուրջ խոցելիություն է, որը կարող է մասշտաբային հետևանքներ ունենալ: Սկսենք նրանից, որ սա ակտիվ սպառնալիք է: Եվ բոլորը, ովքեր օգտագործում են այս սերվերները, ներառյալ կառավարությունը, մասնավոր հատվածը, գիտական հաստատությունները, պետք է թարմացնեն ծրագրային ապահովումը», ասել է նա ճեպազրույցի ընթացքում:
Ըստ Փսակիի, խնդրից կարող են օգտվել հաքերները Չինաստանից և աշխարհի այլ երկրներից: Այդ մասին հաղորդում է news.ru-ն։
