Վաշինգտոնի վարչակազմն անցումային ժամանակահատվածում ստանձնում է Վենեսուելայի կառավարումը. հայտարարել է ԱՄՆ նախագահ Դոնալդ Թրամփը՝ Ֆլորիդա նահանգի իր Մար-ա-Լագո կալվածքում կայացած մամուլի ասուլիսի ժամանակ:
«Մենք կկառավարենք այս երկիրը խմբով, մինչև չկարողանանք իրականացնել իշխանության համապատասխան, անվտանգ և ողջամիտ փոխանցում»,- ասել է նա՝ չմանրամասնելով, թե որ ուժերը կամ անհատները կընդգրկվեն իր նշած վերահսկողական խմբում։
Թրամփը նաև պնդել է, որ Վենեսուելայի փոխնախագահը համաձայնել է համագործակցել ԱՄՆ-ի հետ և կասկածներ հայտնել, որ ընդդիմության առաջնորդ Մաչադոն կդառնա Վենեսուելայի նոր առաջնորդը՝ նշելով, որ ԱՄՆ-ն նրա հետ կապ չի հաստատել։
Ավելի վաղ Թրամփը TruthSocial սոցիալական ցանցի իր էջում հրապարակել է ԱՄՆ ռազմածովային ուժերի USS Iwo Jima նավի վրա գերի վերցված` Վենեսուելայի նախագահ Նիկոլաս Մադուրոյի լուսանկարը։ Մադուրոյի հագին մոխրագույն մարզահագուստ է եղել, նա կրել է մեծ ականջակալներ և սև ապակիներով ակնոց, ձեռքին ունեցել է ջրի շիշ։
