Սպիտակ տունն սպասում է Զելենսկու ներողությանը

Վաշինգտոնի հետ հարաբերությունները վերականգնելու համար Վլադիմիր Զելենսկին պետք է հրապարակային ներողություն խնդրի Սպիտակ տանը ԱՄՆ նախագահ Դոնալդ Թրամփի հետ բանակցությունների ընթացքում տեղի ունեցածի համար. հայտնում է Bloomberg-ը՝ հղում անելով աղբյուրներին։

Ավելի վաղ Bloomberg-ին հայտնի էր դարձել, որ բրիտանացի պաշտոնյաները չեն կարողացել համոզել ԱՄՆ վարչակազմին վերադառնալ Ուկրաինայի հետ հանքանյութերի գործարքի շուրջ քննարկումներին, որի ստորագրումը ձախողվել է Թրամփի և Զելենսկու վեճից հետո: Գործակալության աղբյուրները հայտնում են, որ Վաշինգտոնը մերժել է Լոնդոնի խնդրանքը՝ հայտարարելով, որ ամերիկյան ղեկավարությանը ժամանակ է պետք «հովանալու» համար։