Սիրիայի նախագահ Բաշար Ասադը հաստատել է արաբական հանրապետության նոր կառավարության կազմը: Այս մասին երեքշաբթի օրը հայտնել է սիրիական SANA գործակալությունը:
Պետության ղեկավարը ստորագրել է Հուսեյն Առնուսի ղեկավարությամբ Սիրիայի նոր կառավարություն ձևավորելու մասին թիվ 208 հրամանագիրը: Հրամանագրի համաձայն՝ Ալի Աբդալլա Այուբը պահպանում է փոխվարչապետի և պաշտպանության նախարարի պաշտոնները: Ֆեյսալ Միքդադը կշարունակի ղեկավարել Արտաքին գործերի և ներգաղթյալների հարցերով նախարարությունը, իսկ Քենան Յագին՝ Ֆինանսների նախարարությունը: Մուհամմեդ Խալեդ Ռահմոնը կմնա ներքին գործերի նախարարության ղեկավարի պաշտոնում:
