Ռազմավարական անվտանգության հարցերի շուրջ ռուս-չինական խորհրդատվությունների հերթական փուլը տեղի կունենա երեքշաբթի` մայիսի 25-ին, Մոսկվայում: Այս մասին երկուշաբթի օրը հաղորդել է ՌԴ Անվտանգության խորհրդի ապարատի մամուլի ծառայությունը:
«Մայիսի 25-ին Մոսկվայում տեղի կունենա անվտանգության ռազմավարական հարցերի վերաբերյալ ռուս-չինական խորհրդակցությունների 16-րդ փուլը», ասված է հայտարարության մեջ:
Ռուսաստանի Դաշնության և ՉԺՀ մի շարք նախարարությունների և գերատեսչությունների մասնակցությամբ խորհրդակցությունները կանցկացվեն Ռուսաստանի Անվտանգության խորհրդի քարտուղար Նիկոլայ Պատրուշևի և Չինաստանի Կոմունիստական կուսակցության Կենտրոնական կոմիտեի արտաքին հարաբերությունների հանձնաժողովի գրասենյակի ղեկավար, Քաղբյուրոյի անդամ Յան Ցզեչիի կողմից։
