Արևմտյան երկրները անտեսում են Բելառուսում հեղաշրջում նախապատրաստելու և հանրապետության ղեկավար Ալեքսանդր Լուկաշենկոյի սպանությունը ծրագրելու փաստերը, չորեքշաբթի օրը հայտարարել է ՌԴ նախագահ Վլադիմիր Պուտինը Դաշնային ժողովին իր ուղերձում:
Նա շեշտել է, որ վերջերս քաղաքական դրդապատճառներով ապօրինի պատժամիջոցների կիրառումը և առանձին պետությունների կողմից իրենց կամքը ուրիշներին պարտադրելու փորձերը սովորական են դարձել:
«Այսօր նման պրակտիկան վերածվում է ավելի վտանգավոր բանի. նկատի ունեմ Բելառուսում պետական հեղաշրջում կազմակերպելու ուղղակի փորձի և այդ երկրի նախագահի սպանության վերջերս հայտնի դարձած փաստերը: Հատկանշական է, որ նույնիսկ այդպիսի զայրացուցիչ գործողությունները չեն ենթարկվում դատապարտման, այսպես կոչված, կոլեկտիվ Արևմուտքի կողմից։ Կարծես ոչ ոք պարզապես չի նկատում դա, բոլորը ձևացնում են, թե ընդհանրապես ոչինչ չի պատահել», ընդգծել է ՌԴ նախագահը:
