Պուտինը հիասթափեցրեց ինձ. հայտարարել է ԱՄՆ նախագահ Դոնալդ Թրամփը Լոնդոնում, Մեծ Բրիտանիայի վարչապետ Քեյր Սթարմերի հետ համատեղ մամուլի ասուլիսում։
Թրամփը նշել է, որ Պուտինը «հիասթափեցրել է» իրեն Ուկրաինայի հակամարտության կարգավորման համատեքստում։
ԱՄՆ նախագահը, սակայն, պատրաստ չէ նոր պատժամիջոցներ կիրառել Մոսկվայի դեմ, քանի դեռ եվրոպական երկրները նավթ են գնում Ռուսաստանից։
Թրամփը հույս է հայտնել, որ Ռուսաստանից լավ լուրեր կլսի, իսկ Ուկրաինայի վերաբերյալ ասել է, որ ռուս-ուկրաինական պատերազմը չի սպառնում վերածվել Երրորդ համաշխարհային պատերազմի։
