ԱՄՆ նախագահ Դոնալդ Թրամփը երկուշաբթի առավոտյան ժամանել է Թել Ավիվ: Նախատեսված է, որ նա ելույթ կունենա Քնեսեթում Իսրայելի օրենսդիրների առջև և կհանդիպի ազատ արձակված պատանդների ընտանիքների հետ: Այնուհետև Թրամփը կմեկնի Շարմ էլ Շեյխ՝ խաղաղության գագաթնաժողովին մասնակցելու համար։
Գագաթնաժողովին կմասնակցեն մոտ 20 համաշխարհային առաջնորդներ, այդ թվում՝ Մեծ Բրիտանիայի վարչապետ Քեյր Սթարմերը:
Թրամփի ինքնաթիռը Բեն-Գուրիոն օդանավակայանում դիմավորել են Իսրայելի վարչապետ Բենիամին Նեթանյահուն և նրա կինը։ Թրամփի պատվիրակության կազմում եղել են ԱՄՆ նախագահի դեսպան Սթիվ Վիտկոֆը, խորհրդական Ջարեդ Քուշները և նախագահի դուստրը՝ Իվանկա Թրամփը։
Գազայի հատվածում հակամարտությունն ավարտվել է,- Reuters-ը մեջբերում է Իսրայելի Քնեսեթում ԱՄՆ նախագահ Դոնալդ Թրամփի խոսքերը։
«Պատերազմն ավարտվել է», – հայտարարել է նա։
Իսրայելի նախագահ Իցհակ Հերցոգը ԱՄՆ նախագահ Դոնալդ Թրամփին կպարգևատրի Պատվավոր նախագահական մեդալով՝ Գազայի հատվածից պատանդներին վերադարձնելու ջանքերի համար, հայտարարել է Հերցոգի գրասենյակը։
