Գազայի հատվածի առնվազն 10 հազար բնակիչներ ստիպված են եղել լքել իրենց տները Իսրայելի հետ զինված հակամարտության սրացումից ի վեր: Այս մասին հայտարարել է Պաղեստինի արտաքին գործերի նախարար Ռիադ ալ-Մալիքին ՝ ելույթ ունենալով Իսլամական համագործակցության կազմակերպության արտակարգ նիստի ժամանակ։
Հատվածի տարբեր մասերում հարյուրավոր շենքեր են ավերվել, նրա խոսքերը հաղորդում է ՏԱՍՍ-ը։ Նախարարը կոչ է արել «ստեղծել միջազգային ճակատ, որը կդիմակայի իսրայելական ագրեսիային Պաղեստինի ժողովրդի դեմ»:
Ալ-Մալիքին շեշտել է, որ «Երուսաղեմի հարցը պաղեստինցիների համար կարմիր գիծ է», և որ «այդ հարցը պետք է մնա կենտրոնական ամբողջ աշխարհի թե՛ արաբական, թե՛ մահմեդական համայնքների համար»:
