Չավուշօղլուն՝ թալիբների հետ բանակցությունների մասին
«Թալիբան» արմատական շարժման պատվիրակությունը հինգշաբթի Անկարայում բանակցությունների ընթացքում Թուրքիային տեղեկացրել է Աֆղանստանում տիրող իրավիճակի մասին: Այս մասին բանակցություններից հետո հայտարարել է Թուրքիայի արտաքին գործերի նախարար Մևլութ Չավուշօղլուն:
«Մենք նաև մեր առաջարկությունները փոխանցեցինք Աֆղանստանը ղեկավարող թալիբներին», – ընդգծել է նա:
«Բացի դրանից, մենք խորհուրդ տվեցինք, որ նրանք թույլ տան կանանց աշխատել: Դա այն է, ինչ իսլամական աշխարհը ակնկալում է [նրանցից]», Չավուշօղլուի խոսքերը հայտնում է ՏԱՍՍ-ը։
