Շվեդիան դեռ չի արտահանձնել Թուրքիային ահաբեկչության մեջ կասկածվողներին. Չավուշօղլու

Շվեդիան դեռ պետք է արտահանձնի կասկածյալներին, որոնց Թուրքիան փնտրում է ահաբեկչության մեղադրանքով՝ չնայած հունիսին ՆԱՏՕ-ին անդամակցելու հարցում Անկարայի վետոն հանելու մասին համաձայնագրի ստորագրմանը, չորեքշաբթի ասել է Թուրքիայի արտգործնախարար Մեւլութ Չավուշօղլուն, հայտնում է Reuters-ը։

Շվեդիան եւ Ֆինլանդիան ՆԱՏՕ-ին անդամակցության հայտ էին ներկայացրել, սակայն բախվել են Թուրքիայի հակազդեցությանը, որը մեղադրել է սկանդինավյան երկրներին Անկարայի նկատմամբ զենքի էմբարգո սահմանելու եւ «ահաբեկչական կազմակերպություններին» աջակցելու մեջ։

Երեք երկրներն Անկարայի կողմից վետոն հանելու մասին համաձայնագիր են ստորագրել՝ ահաբեկչության դեմ պայքարելու խոստումների դիմաց, սակայն Թուրքիան հայտարարել է, որ կարգելափակի նրանց անդամակցության հայտերը, եթե խոստումները չկատարվեն։ Նա պահանջել է արտահանձնել 73 մարդու Շվեդիայից, ինչպես նաեւ եւս տասնյակ մարդու՝ Ֆինլանդիայից։

Աղբյուր՝ News.am