Իսրայելը թույլ չի տա Իրանին միջուկային զենք մշակել, հայտարարել է հրեական պետության վարչապետ Բենիամին Նաթանյահուն:
«Իսրայել պետությունը թույլ չի տա Իրանին միջուկային զենք ձեռք բերել: Ես շատ բարձր եմ գնահատում մեր ընկերոջը` ԱՄՆ-ին, որը երկար տարիներ աջակցել է մեզ: Դա մեր ազգային անվտանգության մի մասն է», Նաթանյահուի խոսքերը հաղորդում է նրա գրասենյակը: Սակայն կարող է առաջանալ մի իրավիճակ, երբ հրեաների գոյությունը պահպանելու համար համարձակ և ԱՄՆ-ից անկախ որոշումներ պահանջվեն, շարունակել է նա։
«Ամեն դեպքում, [իրանական միջուկային ծրագրի շուրջ] համաձայնությամբ կամ առանց դրա, մենք ամեն ինչ անելու ենք, որ Իրանը չկարողանա միջուկային ներուժ ձեռք բերել, քանի որ խոսքը մեր կյանքի մասին է», ասել է Իսրայելի վարչապետը:
