Մոսկվայի կենտրոնում՝ Լյուբյանսկայա հրապարակում գտնվող Կենտրոնական մանկական խանութում, պայթյուն է տեղի ունեցել։
ՏԱՍՍ-ը հայտնում է, որ նախնական տվյալներով՝ պայթյունի հետևանքով մեկ մարդ զոհվել է, առնվազն երեքը՝ վիրավորվել։
Պայթյունը տեղի է ունեցել ճնշման տակ գտնվող գազի բալոնի պատճառով։
Արտակարգ իրավիճակների ծառայությունների տվյալներով՝ պայթյունը տեղի է ունեցել շենքի հարկերից մեկում փուչիկներ լցնելու համար օգտագործվող ճնշման տակ գտնվող գազի բալոնի պատճառով։ Դեպքի վայր են ուղարկվել հրշեջներ և փրկարարներ։
Պայթյունից հետո առևտրի կենտրոնից տարհանվել են այցելուները և աշխատակիցները։
