Թրամփը ինքնաթիռով ժամանել է Վաշինգտոն։
Ցուրտ եղանակի կանխատեսման պատճառով երդմնակալության արարողությունը տեղափոխվել է փակ տարածք։
Վաշինգտոնի կենտրոնում համախոհների հետ հանրահավաքը նախատեսված է կիրակի օրը։
Նորընտիր նախագահ Դոնալդ Թրամփը շաբաթ երեկոյան ժամանել է Վաշինգտոնի շրջան՝ երդմնակալության արարողությունից առաջ իր իշխանության վերադարձի տոնակատարությանը մասնակցելու:
Հեռացող նախագահ Ջո Բայդենի ուղարկած ինքնաթիռը նոյեմբերի 5-ի ընտրություններում դեմոկրատ փոխնախագահ Քամալա Հարիսին հաղթած Դոնալդ Թրամփին, նրա կնոջը՝ Մելանյա Թրամփին, դստերը՝ Իվանկային ու նրա ամուսնուն՝ Ջարեդ Քուշներին, Փալմ Բիչից՝ Ֆլորիդայի հանրապետականների բազայից, տեղափոխել է Վաշինգտոն։
Շաբաթ երեկոյան Թարմփն ընտանիքի հետ դիտել է իր պատվին կազմակերպված հրավառությունը, որը տեղի է ունեցել Վաշինգտոնի ազգային գոլֆի ակումբում։
