Եվրոմիությունը կարծում է, որ Սիրիայում մայիսի 26-ին կայացած նախագահական ընտրությունները խաթարում են երկրում առկա հակամարտության կայուն լուծում գտնելու ջանքերը: Այս մասին ասվում է ԵՄ դիվանագիտության ղեկավար Ժոզեպ Բորելի հայտարարության մեջ:
«Մայիսի 26-ին Սիրիայում կայացած ընտրությունները չեն համապատասխանել իսկապես ժողովրդավարական քվեարկության որևէ չափանիշի, չեն նպաստել հակամարտության կարգավորմանը։ ԵՄ-ն կարծում է, որ երեկվա ընտրությունները խաթարում են կայուն լուծում գտնելու ջանքերը», ասել է նա:
Ըստ Բորելի, «Սիրիայում ընտրությունները պետք է տեղի ունենան միայն իսկական քաղաքական գործընթացի շրջանակներում, համաձայն ՄԱԿ-ի Անվտանգության խորհրդի 2254 բանաձևի»: «Դրանք կարող են վստահելի լինել միայն այն դեպքում, երբ բոլոր սիրիացիները, ներառյալ ներքին տեղահանված անձինք, փախստականները և սփյուռքի անդամները, կարողանան մասնակցել անվտանգ և չեզոք միջավայրում՝ առանց վախեցման սպառնալիքի և ազատ և արդար քաղաքական մրցակցության պայմաններում», ասել է Բորելը։
