Ռուսաստանում 10 հոգուց բաղկացած տուրիստական խմբի անդամները չեն կարողացել կապ հաստատել միմյանց հետ Մեծ Կուրիլյան լեռնաշղթայի Իտուրուպ կղզում գտնվող Բարանսկի հրաբխի տարածքում։
Բարանսկի հրաբուխը ակտիվ է, նրա բարձրությունը 1125 մ է։
Ինչպես հաղորդում է ՏԱՍՍ-ը, իր Telegram ալիքում Սախալինի մարզի Կուրիլյան մունիցիպալ շրջանի ղեկավար Կոնստանտին Իստոմինն է հայտնել զբոսաշրջիկների անհետացման մասին։
«10 հոգուց կազմված զբոսաշրջիկների խումբը չի կարողացել կապ հաստատել Բարանսկի հրաբխի տարածքում։ Այս մասին հաղորդվել է Միասնական հերթապահ դիսպետչերական ծառայությանը։ Որոնողական աշխատանքներին մասնակցել են փրկարարներ, OMVD աշխատակիցներ և շրջանային վարչակազմի ներկայացուցիչ», – ասվում է հաղորդագրության մեջ։
Այս պահին որոնողական աշխատանքներին մասնակցում է վեց մարդ։
«Իրավիճակը գտնվում է իմ անձնական վերահսկողության տակ», – նշել է Իստոմինը։
