Մոսկվան անհեթեթ է համարում Ռուսաստանի Դաշնության դեմ նոր պատժամիջոցներ կիրառելու հնարավորությունը Ալեքսեյ Նավալնիի հետ կապված իրավիճակի, այդ թվում՝ քրեակատարողական գաղութում նրա առողջության վատթարացման վերաբերյալ բողոքների պատճառով: Այս մասին ուրբաթ լրագրողներին հայտնել է ՌԴ նախագահի մամուլի քարտուղար Դմիտրի Պեսկովը, հաղորդում է ՏԱՍՍ-ը:
Պատասխանելով այն հարցին, թե արդյոք Մոսկվան նոր պատժամիջոցներ ակնկալում է Նավալնիի շուրջ ստեղծված իրավիճակի կապակցությամբ, Կրեմլի խոսնակն ասել է. «Պատժամիջոցներ չեն ակնկալում, դա այն է, ինչին պետք է պատրաստ լինել»:
