Ուկրաինայի արտաքին գործերի նախարար Դմիտրի Կուլեբան ԵՄ 27 երկրների արտգործնախարարների հետ ոչ պաշտոնական տեսակոնֆերանսի ժամանակ առաջարկել է «քայլ առ քայլ գործողությունների ծրագիր` ՌԴ հետագա էսկալացիան զսպելու համար», ներառյալ Ռուսաստանի դեմ նոր, սեկտորալ պատժամիջոցները:
Ինչպես նա այսօր գրել է իր թվիթերայն էջում, ինքն «իր գործընկերներին տեղեկացրել է Ռուսաստանի Դաշնության կողմից էսկալացիայի վտանգավոր ընթացքի մասին»: «Հիմնական տարրը սեկտորալ պատժամիջոցների նոր փաթեթի պատրաստումն է: Անձնական պատժամիջոցներն այլևս բավարար չեն», ասել է Կուլեբան:
