Կորոնավիրուսի խիստ վարակիչ դելտա շտամը վերջին շաբաթվա ընթացքում հայտնաբերվել է արդեն 192 երկրում և տարածքում: Չորեքշաբթի Առողջապահության համաշխարհային կազմակերպությունը (ԱՀԿ) հայտարարել է, որ մեծացել է նաև այն երկրների ցանկը, որտեղ առկա են «ալֆա», «բետա» և «գամմա» շտամներ:
Ալֆա շտամը, որն առաջին անգամ հայտնաբերվել է 2020 թվականի սեպտեմբերին Մեծ Բրիտանիայում, այժմ առկա է 195 երկրներում և տարածքներում: Բետան, որը հայտնաբերվել էր Հարավային Աֆրիկայում անցյալ օգոստոսին, այժմ շրջանառվում է 145 երկրներում: Բրազիլիայում սեպտեմբերին հայտնաբերված գամմա շտամը առկա է 99 երկրներում:
