Բելառուսի նախագահ Ալեքսանդր Լուկաշենկոն սահմանապահներին հանձնարարել է ամբողջությամբ փակել Ուկրաինայի հետ սահմանը: Այդ մասին տեղեկացնում է БелТА-ն:
Բելառուսի ղեկավարի խոսքով՝ հսկայական քանակությամբ զենք է Ուկրաինայից բերվում Բելառուս: «Այդ պատճառով ես սահմանային զորքերին հանձնարարեցի ամբողջությամբ փակել Ուկրաինայի հետ սահմանը», բացատրել է Լուկաշենկոն:
Բելառուսի նախագահի համաձայն, երկրում բացվել են «քնած» ահաբեկչական բջիջներ, այսպես կոչված՝ ինքնապաշտպանական ստորաբաժանումներ: Լուկաշենկոն կարծում է, որ այդ հարցում ներգրավված են Գերմանիան, Ուկրաինան, ԱՄՆ-ը, Լեհաստանը և Լիտվան: Ավելի վաղ Լուկաշենկոն հայտնել էր, որ Բելառուսի հատուկ ծառայություններն ու անվտանգության ուժերն ավարտել են հակաահաբեկչական լայնածավալ գործողություն:
