Ռուսաստանի արտգործնախարար Սերգեյ Լավրովը շնորհավորական ուղերձ է հղել Ամիր Աբդոլլահիյանին Իրանի ԱԳՆ նոր ղեկավարի պաշտոնում թեկնածության հաստատման կապակցությամբ: Այդ մասին հաղորդել է Իրանի ԱԳՆ մամուլի ծառայությունը: Նշվում է նաև, որ «ՌԴ ԱԳՆ ղեկավարը գոհունակություն է հայտնել Իրանի և Ռուսաստանի համագործակցության մակարդակի վերաբերյալ»:
Նախագահ Էբրահիմ Ռաիսիի կողմից առաջադրվելուց հետո Աբդոլլահիյանին չորեքշաբթի օրը Իրանի Մեջլիսը (խորհրդարան) հաստատել էր որպես արտաքին գործերի նախարար:
Նոր նախարարի օգտին քվեարկել է 286 պատգամավորներից 270-ը: Մինչև արտգործնախարար նշանակվելը Աբդոլլահիյանը զբաղեցնում էր Մեջլիսի խոսնակի միջազգային հարցերով խորհրդականի պաշտոնը:
