Ուկրաինային ՆԱՏՕ-ի մեջ ներքաշելու ընթացքը սպառնալիքներ է ստեղծում Ռուսաստանի անվտանգության համար և հրահրում ռազմական ռիսկեր Եվրոպայում. հայտարարել է ՌԴ ԱԳ նախարար Սերգեյ Լավրովը։
«Կիևին ՆԱՏՕ ներքաշելու ընթացքը՝ մեր սահմանների մոտ հարձակողական հրթիռային համակարգերի հայտնվելու հեռանկարով, անընդունելի սպառնալիքներ է ստեղծում Ռուսաստանի անվտանգության համար»,- ասել է Լավրովը բոսնիա-հերցեգովինական Oslobodenje թերթին տված հարցազրույցում։
Նա նշել է, որ ռազմական ռիսկերն առաջանում են ներգրավված բոլոր կողմերի համար և կարող են հանգեցնել լայնածավալ հակամարտության Եվրոպայում։
Ավելի վաղ Ուկրաինայի փոխվարչապետ Օլգա Ստեֆանիշինան հայտարարել էր, որ Կիևն իրականացրել է ՆԱՏՕ-ի չափանիշների երկու երրորդը և մտադիր է ընդլայնել համագործակցությունը դաշինքի հետ։
Մինչ այս Ուկրաինայի նախագահ Վլադիմիր Զելենսկին ասել էր, որ Լեհաստանի և Լիտվայի նախագահներ Անջեյ Դուդան և Գիտանաս Նաուսեդան համատեղ հայտարարությամբ աջակցել են Ուկրաինայի՝ ԵՄ-ին և ՆԱՏՕ-ին միանալու ձգտումներին։
