Իսրայելի վարչապետ Նաֆթալի Բենեթը նիստ է անցկացրել կորոնավիրուսի դեմ պայքարի կանոնների վերաբերյալ։ Նա հանձնարարել է քրեական պատասխանատվության ենթարկել կորոնավիրուսով վարակված այն անձանց, ովքեր գիտակցաբար խախտում են ինքնամեկուսացման կանոնները և վտանգում ուրիշների առողջությունը: Այս մասին հայտարարել են վարչապետի աշխատակազմից, հայտնում է ՏԱՍՍ-ը:
Իսրայելում հունիս ամսվա ընթացքում կորոնավիրուս է հայտնաբերվել 2,4 հազար մարդու մոտ, որոնց գրեթե 40%-ը կորոնավիրուսի դեմ պատվաստված է եղել Pfizer-ի արտադրած պատրաստուկով: Իսրայելցիների պատվաստումը ամերիկյան Pfizer պատվաստանյութով սկսվել է անցյալ տարվա դեկտեմբերի 20-ին:
