Իսրայելի Պաշտպանության բանակը խոցել է իրանական անօդաչու թռչող սարք, որը բեռնված էր պայթուցիկով և շարժվում էր Իսրայելի ուղղությամբ: Այս հայտարարությունը, ինչպես հայտնում է The Times of Israel-ը, արել է Իսրայելի վարչապետ Բենիամին Նաթանյահուն Գերմանիայի արտաքին գործերի նախարար Հայկո Մաասի հետ հանդիպման ժամանակ:
Վարչապետի խոսքերով՝ դեպքը տեղի է ունեցել այս շաբաթ: Անօդաչու թռչող սարքը «արտադրվել էր Իրանի կողմից և Իսրայելի ուղղությամբ արձակվել է Սիրիայից կամ Իրաքից»:
