ԱՄՆ նախագահ Դոնալդ Թրամփը հայտարարել է, որ մտադիր է այս շաբաթ ՌԴ նախագահ Վլադիմիր Պուտինի հետ հեռախոսով քննարկել հրադադարի մասին համաձայնագրի մանրամասները:
Նա նաև նշել է, որ եթե Ռուսաստանը չդադարեցնի ռազմական գործողությունները, ԱՄՆ-ը կշարունակի աջակցել Ուկրաինային և սպառազինություն մատակարարել նրա։
«Եթե Պուտինը համաձայնի հրադադարին, դա կարող է մեռյալ կետից շարժել Ուկրաինայում պատերազմի հետ կապված ամբողջ իրավիճակը: Մենք ցանկանում ենք ավարտել այս պատերազմը։
«Մենք խոսում ենք ամբողջական հրադադարի մասին: Ուկրաինան համաձայնել է դրան, և ես հուսով եմ, որ Ռուսաստանը նույնպես կհամաձայնի: Մենք պատրաստվում ենք նրանց հետ հանդիպել այսօր և վաղը, և հուսով եմ, որ մենք կկարողանանք համաձայնություն մշակել: Այս զինադադարը շատ կարևոր է»,- ասել է ԱՄՆ ղեկավարը:
