NBC հեռուստաընկերությանը տված հարցազրույցում ԱՄՆ նախագահ Դոնալդ Թրամփը հայտարարել է, որ պատրաստ է երկրորդական պատժամիջոցներ սահմանել ռուսական նավթամթերքների դեմ, եթե Ռուսաստանն ու Ուկրաինան համաձայնության չգան հրադադարի շուրջ։
«Եթե մենք չկարողանանք գործարք կնքել Ռուսաստանի հետ՝ դադարեցնելու արյունահեղությունը Ուկրաինայում, և եթե դա լինի Ռուսաստանի մեղքով, ես երկրորդական մաքսատուրքեր կսահմանեմ Ռուսաստանից եկող ամբողջ նավթի վրա», – մեջբերում է նրա խոսքերը NBC-ն ։
«Եթե դուք նավթ եք գնում Ռուսաստանից, չեք կարող ԱՄՆ-ում բիզնեսով զբաղվել, ամբողջ նավթի վրա կլինի 25 տոկոս մաքսատուրք՝ 25-ից 50 միավոր»,- ասել է Թրամփը։
Թրամփն ասել է, որ ինքը «շատ զայրացած և կատաղած էր», երբ Պուտինը սկսեց քննարկել նրա հետ, թե որքանով կարելի է վստահել նախագահ Զելենսկուն և խոսեց Ուկրաինայի իշխանության փոփոխության մասին։
Թրամփը նաև ասել է, որ մտադիր է հաջորդ շաբաթ կրկին խոսել Պուտինի հետ։
