Թուրքական բանակը պատրաստվում է երկու գործողություն իրականացնել Սիրիայում, ՌԻԱ գործակալությանը հայտնել է սիրիական ընդդիմության աղբյուրը։
«Անկարայի հրամանով զինված կազմավորումները բերվել են լիակատար պատրաստության»,- ասել է աղբյուրը։
Թուրքիայի գլխավորած խմբավորումները միաժամանակ երկու գործողության են պատրաստվում՝ Իդլիբի հյուսիս-արևմուտքում՝ այնտեղ տեղակայված զինված կազմավորումներին աջակցելու և Սիրիայի հյուսիս-արևելքում «Սիրիայի դեմոկրատական ուժերի» դեմ։
Հարցին, թե երբ է սպասվում արշավի մեկնարկը, զրուցակիցը պատասխանել է, որ դա կարող է լինել ցանկացած պահի։ «Ամենայն հավանականությամբ՝ Թուրքիայի նախագահ Թայիփ Էրդողանի և ԱՄՆ նախագահ Ջո Բայդենի հանդիպումից հետո»,- հավելել է նա։