Թուրքիայի իշխող Արդարություն և զարգացում կուսակցությունը դատապարտել է ԱՄՆ Պետդեպարտամենտի կողմից Թուրքիայի նախագահ Ռեջեփ Թայիփ Էրդողանի հակասեմական հայտարարություններին ուղղված մեղադրանքները:
«Մենք խստորեն դատապարտում ենք ԱՄՆ Պետդեպարտամենտի հայտարարությունը մեր նախագահի վերաբերյալ: Մեր նախագահին հակասեմականության մեջ մեղադրելը անհիմն և սխալ մոտեցում է: Այն, ինչ ասվել է մեր նախագահի մասին, սուտ է», գրել է կուսակցության մամուլի քարտուղար Օմեր Չելիքը Twitter-ի իր էջում: «Մեր նախագահը շատ վճռական կոչեր է արել ընդդեմ հակասեմականության և շարունակում է դա անել: Նա հակասեմականությունը և իսլամաֆոբիան դասում է ատելության հիմքով հանցագործությունների վերին մասին, որոնց դեմ պետք է պայքարել»:
