«Թալիբան» արմատական շարժումը համաձայնել է թույլատրել 200 ամերիկացու և երրորդ երկրների քաղաքացիների, ովքեր Աֆղանստանում էին մնացել ԱՄՆ-ի ռազմական տարհանման գործողության ավարտից հետո, չարտերային թռիչքներ իրականացնել Քաբուլի օդանավակայանից: Այդ մասին հաղորդեում Է Reuters գործակալությունը՝ վկայակոչելով աղբյուրներ:
Աֆղանստանում ԱՄՆ հատուկ բանագնաց Զալմայ Խալիլզադը բանակցությունների ժամանակ թալիբներին համոզել է գնալ այդ քայլին: Սպասվում է, որ ինքնաթիռները հինգշաբթի օրը կթռչեն Քաբուլի օդանավակայանից:
Ավելի վաղ Սպիտակ տան մամուլի քարտուղար Ջեն Փսակին նշել էր, որ Միացյալ Նահանգները, անվտանգության նկատառումներից ելնելով, չի ընդունի Աֆղանստանից չարտերային թռիչքներ իր ռազմակայաներում, եթե ինքնաթիռում ամերիկյան կողմին անհայտ մեծ թվով մարդիկ լինեն, ովքեր չեն անցել պատշաճ ստուգում:
