«Թալիբանը» կարծում է, որ շարժումն իրականացրել է բոլոր անհրաժեշտ պայմանները, որպեսզի միջազգային հանրությունը ճանաչի իրենց որպես Աֆղանստանի օրինական իշխանությունների: Այդ մասին ասել է երկրի արտաքին գործերի նախարար Ամիր Խան Մութաքին, ով պատվիրակության կազմում ժամանել է Ռուսաստան «Մոսկովյան ձևաչափի» հանդիպման համար:
«Ինչո՞ւ նրանք չպետք է մեզ պաշտոնապես ճանաչեն: Մենք վերահսկում ենք Աֆղանստանի ողջ տարածքը, մենք կատարել ենք բոլոր պայմաններն ու համապատասխանում ենք որպես կառավարություն բոլոր չափանիշներին», – ՌԻԱ գործակալության հաղորդմամբ՝ ասել է նա լրագրողներին:
