«Թալիբան» արմատական շարժման ներկայացուցիչները հայտարարել են, որ շուտով Քաբուլում գտնվող նախագահական պալատից կհայտարարեն Աֆղանստանի Իսլամական էմիրության ստեղծման մասին, հայտնում է The Guardian-ը:
Այսօր զանգվածային լրատվամիջոցները հայտնեցին, որ Աշրաֆ Գանին հրաժարական է տվել և լքել երկիրը: Ենթադրվում է, որ պետության ղեկավարը վարչակազմի ղեկավարի և ազգային անվտանգության հարցերով խորհրդականի հետ մեկնել է Տաջիկստան:
«Իզվեստիան» գրում է, որ թալիբները հանրապետության նախագահին և կառավարության բոլոր պաշտոնյաներին համագործակցության կոչ են արել: Al Arabiya-ի համաձայն, «Թալիբան»-ը ներկա դրությամբ վերահսկողություն է հաստատել Քաբուլի 15 շրջաններից 11-ի վրա:
