«Թալիբան» արմատական շարժումը դատապարտում է ԱՄՆ-ի հարվածը Աֆղանստանի տարածքում և պնդում է, որ ԱՄՆ-ը պետք է նախազգուշացներ անօդաչու թռչող սարքերի կիրառման մասին: Այդ մասին հաղորդում է Reuters գործակալությունը՝ վկայակոչելով թալիբների ներկայացուցչին:
«Ամերիկացիները պետք է մեզ տեղեկացնեին նախքան օդային հարվածը հասցնելը: Սա ակնհայտ հարձակում էր Աֆղանստանի տարածքի վրա, որի հետևանքով երկու մարդ զոհվեց, իսկ երկու կին և մեկ երեխա վիրավորվեցին», – ասել է նա:
Թալիբանը կոչ է արել ԱՄՆ-ին, Մեծ Բրիտանիային և արևմտյան մյուս երկրներին պահպանել դիվանագիտական հարաբերությունները Աֆղանստանի հետ:
