«Թալիբան» արմատական շարժումը համաձայնության է եկել ԱՄՆ-ի հետ, որ քաղաքական բարեփոխումների վերաբերյալ որոշումներ չի կայացնի, քանի դեռ ԱՄՆ-ն չի հեռացել Աֆղանստանից: Այդ մասին ուրբաթ օրը հայտնել է Al Arabiya հեռուստաալիքը՝ վկայակոչելով աֆղան պաշտոնյայի:
Վերջինիս խոսքով՝ թալիբները մերժում են անցումային կառավարության մասին խոսակցությունները, քանի դեռ ԱՄՆ-ն ամբողջությամբ չի լքել երկիրը:
«Թալիբան» շարժման Քաթարի քաղաքական գրասենյակի ներկայացուցիչ Մոհամմադ Սոհաիլ Շահինն այսօր հայտարարել է, որ շարժումը վերսկսել է Աֆղանստանում ներառական կառավարության շուրջ բանակցությունները: Ներկա դրությամբ տարբեր քաղաքական հոսանքների հետ խորհրդակցություններ են անցկացվում երկրի ապագա կառավարության կազմի վերաբերյալ: Այժմ մշակվում է սահմանադրություն՝ դրա հետագա հաստատման համար:
