Եվրոպական խորհրդի նախագահ Շառլ Միշելը ցավակցություն է հայտնել Ֆրանսիայի ժողովրդին և ոստիկանությանը, ինչպես նաև ուրբաթ օրը Ռամբույեում սպանված ոստիկանության սպայի հարազատներին: Այդ մասին նա գրել է Twitter-ում:
Հարձակումը տեղի էր ունեցել կեսօրին: Հարձակվողը՝ 36-ամյա թունիսցին, կոմիսարիատի նախասրահում դանակով հարվածներ է հասցրել կնոջ պարանոցին, որի արդյունքում վերջինս շուտով մահացել է: Շենքի մուտքի մոտ գտնվող ոստիկանության աշխատակիցները մի քանի կրակոց են արձակել հարձակվողի ուղղությամբ: Ծանր վիճակում հարձակվողը հոսպիտալացվել է և շուտով մահացել վերքերից: Գործը դասվում է որպես ահաբեկչություն:
