Արտաքին գործերի նախարարը Կրեմլում ՌԴ նախագահի հետ հանդիպումից հետո ասել է. «Ես այսօր շատ լավ հանդիպում ունեցա պարոն Պուտինի հետ, և այս հանդիպման ընթացքում մենք քննարկեցինք շատ կարևոր հարցեր». գրում է ԻՌՆԱ-ն։
Աբբաս Արաղչին այս խոսքերն ասել է Մոսկվայում Իրանի դեսպանատան նստավայրում Իրանի Իսլամական Հանրապետության բանակի օրվա տոնակատարության արարողության ժամանակ, որը տեղի է ունեցել ՌԴ ռազմական և պաշտպանության պաշտոնյաների, ինչպես նաև Մոսկվայում հավատարմագրված օտարերկրյա դեսպանությունների դիվանագետների և ռազմական կցորդների մասնակցությամբ։
«Այսօր ես եկել եմ Մոսկվա՝ հարգարժան Ռուսաստանի նախագահին փոխանցելու ղեկավարի ուղերձը, այսօր շատ լավ հանդիպում ունեցա նրա հետ և շատ կարևոր քննարկումներ ունեցանք»։
Նա հավելել է. «Իրանի և Ռուսաստանի հարաբերությունները երբեք այնքան ամուր, լավ և փոխադարձ հարգանքի ու շահերի վրա չեն եղել, որքան այսօր»:
Արաղչին հիշեցրել է. «Իրանի և Ռուսաստանի միջև համապարփակ ռազմավարական համագործակցության համաձայնագիրը, որը վերջերս ստորագրվեց, երկու երկրների հարաբերությունների մակարդակը բարձրացրել է ռազմավարական մակարդակի։
Մենք սերտ համագործակցություն և խորհրդակցություն ենք պահպանում Ռուսաստանի մեր ընկերների հետ միջազգային բոլոր ոլորտներում»:
Արաղչին ընդգծել է. «Իրանի և Ռուսաստանի միջև սերտ համագործակցությունը ապագայում կշարունակվի ավելի մեծ ինտենսիվությամբ և ուժով»:
