Աֆրոամերիկացի Ջորջ Ֆլոյդի մահվան հետ կապված դատավճիռը հնարավորություն է տալիս «վերականգնել ԱՄՆ հոգին»: Այս կարծիքը հայտնել է ԱՄՆ նախագահ Ջո Բայդենը ՝ խոսելով Ջորջիա նահանգում իր աջակիցների հետ:
«Կարծում եմ՝ ձեզանից շատերը գիտեն, որ երբ ես առաջադրվում էի որպես նախագահի թեկնածու, ես ասում էի, որ մենք պետք է բուժենք այս երկրի հոգին: Դա այն է, ինչ մենք պետք է անենք: Եվ Ջորջ Ֆլոյդի մարդասպանի դատապարտումը այժմ մեզ հնարավորություն է տալիս իրական առաջընթաց ունենալ այս երկրի հոգու վերականգնման գործում: Մենք կարող ենք դա անել։ Մենք կարող ենք ռացիոնալ գործել՝ վերափոխելով ոստիկանությունը, կարող ենք արմատախիլ անել համակարգային ռասիզմը մեր քրեական արդարադատության համակարգում», Բայդենի խոսքերը մեջբերում է ՏԱՍՍ-ը:
