ԱՄՆ նախագահ Ջո Բայդենը պնդում է, որ Մոսկվան և Պեկինը «դե ֆակտո չեն մասնակցել» G20-ի՝ կլիմայի հարցով գագաթաժողովին, հաղորդում է ՌԻԱ գործակալությունը։
«Հիասթափությունը կապված է այն փաստի հետ, որ Ռուսաստանը և ոչ միայն Ռուսաստանը, այլև Չինաստանը դե ֆակտո չկարողացան հանդես գալ կլիմայի փոփոխության հետ կապված որևէ պարտավորությամբ»,- ասել է Բայդենը Հռոմում G20-ից հետո կայացած մամլո ասուլիսում։
«Կարծում եմ, դուք կտեսնեք, որ մենք զգալի առաջընթաց ենք գրանցել, բայց պետք է ավելին անել: Սակայն դա մեզնից կպահանջի կենտրոնանալ նրա վրա, ինչ չի անում Չինաստանը, ինչ չի անում Ռուսաստանը, ինչ չի անում Սաուդյան Արաբիան», – ավելացրել է Բայդենը:
